Read Paite Chin EKSODAS 31 Bible Online

EKSODAS 31 - Paite Chin bible

EKSODAS 31

¹Huan TOUPA’N Mosi kiang ah thu a gen hi:

²En in, Judah nam a Hur tapa, Uri tapa Bezaleel a min in ka samta hi.

³Pathian Kha leh pilna leh theihsiamna leh theihna leh khutsiamna lam chiteng in amah ka dimsakta hi.

⁴Aman khutsiamna in thil lim leh mel nei in a gel dia, dangkaeng leh dangka leh dal in thil a bawl ding hi.

⁵Huai ban ah suangmantamte a at dia, singte lim leh mel nei in khutsiamtakin a bawl ding hi.

⁶A seppih ding in Dan nam a mi Ahisamak tapa, Aholiab a kiang ah ka peta hi. Khutsiamna nei tengteng leng pilna lungtang ka peta a, amau nang k’on thupiak bang in thil tengteng a bawl ding uhi.

⁷Kihoupihna puanin, theihpihna bawm, huai tung a om chitna tutphah leh puanin vanzat tengteng;

⁸Dohkan leh a vante leh khawnvak koihna a van tengteng toh, gimlim maitam;

⁹Haltum thillat maitam, a van tengteng toh, tuikuang leh a khe;

¹⁰nasepna puante leh, siampu Aron puan siangthoute leh, a tapate puansilhte, siampu nasepna mun a nasem ding in;

¹¹Huan nilhtheih thau leh Mun Siangthou ading gimlim a bawl ding ua, nang k’on thupiak tengteng bang in a hih ding uhi, a chi hi.

¹²TOUPA’N Mosi kiang ah thu a gen hi:

¹³Israel suante kiang ah thu gen in. “Chihtaktak a ka Sabbath na tan ngeingei ding uh ahi. Na khang ua kei leh nou kal a chiamtehna a hih ziak in. Nou honhih siangthou, TOUPA ka hi, chih na theihna ding un.

¹⁴Huaiziak in Sabbath na tang ding ua; nou adia siangthou a hih ziak in. Kuapeuh hiai hihbuah sihsak ngeingei ding ahi. Kuapeuh hiai ni a nasem, a mite lak apan satkhiak ding ahi.

¹⁵Ni guk sung nna septheih ahi dia; himahleh a ni sagihna Sabbath khawlni TOUPA adia siangthou ahi. Sabbath ni a kuapeuh in nna khat peuh a sep leh, sihsak ngeingei ding ahi.

¹⁶Huaiziak in Israel suante’n Sabbath ni a tang ding ua, thukhun tawntung hi ding in, a khang a khangun Sabbath a tang ding uhi.

¹⁷Hiai tangtawn in kei leh Israel suante kikal a chiamtehna ahi. Ni guk a TOUPA’N lei leh van a bawl a, a ni sagih ni a khawl a, a tawldam ziak in,” a chi hi.

¹⁸Sinai tangtung a Pathian in Mosi houpih a, thu a genkhit in theihsakna pek nih, suang pekte, Pathian khutzung a gelh, Mosi a pia hi.