Read Paite Chin JOB 10 Bible Online

JOB 10 - Paite Chin bible

JOB 10

¹“Ka kha in ka hinna a chimtak a; ka utdan dan in ka phun ding hi: ka kha thangpaihna in thu ka gen ding.

²Pathian kiang ah, Hon mawhpaih ken; bangdia hon kinakpih na hia hon theisak in, ka chi ding hi.

³Na nuaisiah nang adia hoih ahi maw, na khutte thilhih na muhsit a, giloute thugen tung a na maitai?

⁴Sa mitte nei na hi hia, ahihkeileh mihing muh bang a mu na hi hia?

⁵Na nite mihing nite bang hia, ahihkeileh na kumte mihing kumte bang,

⁶Ka thulimlouhna na kan a, ka khelhna na nungdelh hi,

⁷Ka gilou kei chih thei napi a, na khut a kipan hon suaktasak ding a omlouh?

⁸Na khutte’n a honsek un a hon bawl kimvel sipsip a; tun kihei in n’on hihse dia hia?

⁹Theigige in, ka hon ngen ahi, tungman bang a na hon mek dan; leivui hontun nawn ding na hi hia?

¹⁰Nawitui bang in n’on sungkhia in, nawituidat bang in na hontok kei maw?

¹¹Vun leh sa in na hontuam a, guhte leh thagui in n’on phankhawm hi.

¹²Hinna leh deihsakna na honphal a, huan n’on venna in ka lungsim a hawi hi.

¹³Himahleh hiai thilte na lungtang sung ah na sel a; hiai bel na tup ahi chih ka thei hi:

¹⁴Thil ka hihkhelh leh n’on chiamteh a, ka thulimlouhna a kipan n’on khahkei ding hi.

¹⁵Ka gitlouh leh, ka tung a gik hi; midiktat hileng zong, ka lutang ka sangsak kei ding hi. Lungbuaina in ka dim a, huaiziak in ka gimthuakna en in.

¹⁶Ka lutang a kiletsak leh, humpinelkai bang in nang n’on beng a: ka tung a na lamdan dan n’on ensak nawn hi.

¹⁷Kei kalh a na palainate na ’, ka tung a na hehna na khangsak a; hondou ding sepaih hon thak n’on sawl hi.

¹⁸“Bangdia sul apan hon lakhia na hia? Na si in kuamah muhlouh na hi leng.

¹⁹Omlou mahbang ta ding hing a; sul apan a han a puak a om ding hing a.

²⁰Ka nite a tom kei maw? Huchi ahihleh, tawp in, hon om sak maimai in, huchi a neukha a ka lungmuan theihna ding in.

²¹Ka kiknawn louhna a ka pai ma in khomialna gam leh sihna limliap gam mahmah ah:

²²Mialna mahbang a, mialna sahna gam a: sihna limliap gam, dan himhim omlouhna, khovak khomial bang a a omna mun ah.”