Read Paite Chin JOB 17 Bible Online

JOB 17 - Paite Chin bible

JOB 17

¹Ka lungsim hihgawp in a om a, ka nite a bei, kei ding in han mansa in a om hi.

²Ka kiang ah musitmite a omtaktak ua, a hehna uah ka mit a om gige hi.

³“Tuin thuchiam honpia in, nangmah toh kei ading in mawhkhu honghi in; kei toh khutte beng ding kua a om a?

⁴Theihsiamna a kipan a lungtang uh na sel ngal a: huaiziak in amau na hihlian kei ding hi.

⁵Kuapeuh matding a a lawmte hek a, a neih leh lam tan tummi, a tate nangawn mit a zuausuak ding hi.

⁶“Mite houlimna ding in a honbawl lai a; huchi in tangpi kih ka hong hita hi.

⁷Lungkhamna ziak in ka mit leng a mial a, ka hiangte tengteng limliap bang ahi.

⁸Midikte’n hiai ah lamdang a sa ding ua, mi hoih Pathian limsakloute dou ding in a kitokthou ding.

⁹Himahleh mi diktat a lampi ah a pang zouzou dia, kuapeuh khut siangneite a hat semsem ding uhi.

¹⁰Himahleh hongkik un, na vek un, tuin hong un: huchi in na lak uah mi pil ka mu kei ding.

¹¹Ka nite a beita, ka thiltupte a segawpta hi, ka lungtang ngaihtuahte tan in.

¹²Zan sun in a kheng ua: khovak in khomial a naih, a chi uh.

¹³Sheol ka inn bang in en leng; khomial ah ka lupna phahta leng;

¹⁴Siatna kiang ah, Ka pa na hi, chi leng; Tangtel kiang ah, ka nu leh ka sanggamnu na hi, chi leng;

¹⁵Huchi hileh ka lametna koi a om ahia? Lamet nei hileng kuan hon musak dia?

¹⁶Sheol mundaite ah paisuk in leivui ah ka kik khawm ding ua a diam?”