Read Paite Chin JOB 25 Bible Online

JOB 25 - Paite Chin bible

JOB 25

¹Bildad Suah mi in a dawng a, hichi in a chi hi:

²Lalna leh launa Pathian kiang ah a om; Aman a mun sangte ah muanna a bawl hi.

³A sepaihte honte kuan a simseng dia? Kua tung ah ahia A vakna tanlouhna a om?

⁴Huchi a hih chiang in Pathian ma ah bangchi in mihing a dik thei dia? Ahihkeileh amah numei suan bangchi in a siang thei dia?

⁵Ngai in, khapi nangawn in vakna a neikei a, a mitmuh in aksite a siangthou kei hi.

⁶Mihing, tangtel sang a bangzah a neuzaw? Pathian mitmuh ah mihing bangchi phet ahi diam, mihingta, lungnou!”