Read Paite Chin JOB 26 Bible Online

JOB 26 - Paite Chin bible

JOB 26

¹Huan Job in a dawng a, hichi in a chi hi:

²“Thilhihtheihna neilou amah bangchi’n na panpih in; hatna neilou ban bangchidan a hondam thei na hia?

³Pilna neilou amah bangchi’n na thuhilh a, nakpitak a theihna hoih na phuangkheta a;

⁴Kua kiang ah ahia thute na genkhiak? Kua kha ahia nang a kipan hong paikhia?

⁵Sisate tuite nuai leh huai a tengte nuai ah a ling uh.

⁶A ma ah Sheol vuaktang in a om a, Abaddon in kikhuhna a neikei hi.

⁷Aman mal mun awng ah a phalhkhia a, bangmahlou tung ah lei a khai hi.

⁸A meipi sah in tuite a tun a; a nuai ah meipi a kikek kei hi.

⁹Khapi mai a khuh a, a tung ah a meipi a phalh hi.

¹⁰Tuite tung ah, khovak leh khomial kigitna ah, kawlmong a kaikual hi.

¹¹A salhna ah van khuamte a ling ua, lamdang a sa uh.

¹²A thilhihtheihna in tuipi a khawlsak a, huan a theihsiamna in Rahab a sat.

¹³A hu in vante bawlhoih in a om a; a khut in gulpi man gang tailai a sun hi.

¹⁴Ngai in, hiaite a thilhih a mong lel ahi uh. Ngatchik a a huau siausiau lel! A thilhihtheihna Van ging kua ahia theisiam ding?”