Read Paite Chin SAM 1 Bible Online

SAM 1 - Paite Chin bible

SAM 1

¹Pathian limsakloute hoihsak bang a om ngeilou a, mikhialte lampi a leng ding lou a, musitte tutphah a leng tu ngeilou mi a hampha hi;

²A kipahna uh TOUPA Dan ah ahizaw a; a danthu sun leh zan in a ngaihtuah ngitnget hi;

³Amah zaw tui luang kiang a sing suan, a hun a gahzel, a nah leng kau ngeilou bang ahi; a thilhih peuhmah a lamzang zel ding hi.

⁴Pathian limsakloute huchibang ahi kei ua; buhsi huih in a mut lengmang bang ahizaw uhi;

⁵Huaiziak in mi Pathian limsakloute zaw vaihawmna ma ah a ding theikei ding uh, mikhialte leng mi diktatte kikhopna ah ading thei sam kei ding uhi;

⁶TOUPA’N mi diktatte lampi a thei naknak ngal a; mikhialte lampi bel a mangthang ding hi.