Read Paite Chin SAM 101 Bible Online

SAM 101 - Paite Chin bible

SAM 101

¹Chitna leh vaihawmna dik thu la in ka sa ding a: TOUPA aw, nangmah phat in la ka sa ding.

²Lam hoih kim ah piltak in ka om ding a: Aw chikchiang in ahia ka kiang a na hongpai ding? Ka inn sung ah lungtang hoihkim pu in ka om ding hi.

³Thilhoihloute ka mitmuh ah ka koih kei ding: lam pialte thilhih ka hua ahi; keimah ah a bang kei ding hi.

⁴Lungtang genhak in hon paisan ding a: thil gilou himhim ka theikei ding hi.

⁵Kuapeuh a vengte a guk a gen, huai mi ka hihmang ding a: mi sang leh lungtang kisathei pu mi ka thuak theikei ding hi.

⁶Hiai gam a mi muanhuaite tung ah ka mit a tu ding a, ka kiang a a om theihna ding un: lam hoihkim tawn mi’n ka na a sem ding hi.

⁷Khemhat ka inn sung ah a omkei ding a: Zuauhat mi ka mitmuh ah hihkip in a omkei ding hi.

⁸Zingsang teng in hiai gam a migilou salou tengteng ka hihmang ding a: TOUPA khopi a kipan thil hihkhial tengteng ka hihmang ding in.