Read Paite Chin SAM 11 Bible Online

SAM 11 - Paite Chin bible

SAM 11

¹TOUPA ah ka ginna ka nga zel a: bangchidan ahia ka hinna kiang a, Na mual ah vasa bang in leng mang in chi na hi ua?

²En dih ua, lungtang diktakpu mial nuai a a kap theihna ding un, migilou saloute’n thalpeu a lai ua, a thal uah a khau ah a bulh chiat uhi;

³Suangphumte hihsiat a om leh, mi diktat in bang ahia a hih theih ding?

⁴TOUPA a biakin siangthou ah a om a, TOUPA mangtutphah leng van ah a om; mihing tate a mit in a en a, a mitvun in a enchian zel hi.

⁵TOUPA’N midiktat a enchian zel a: migilou salou leh hiamgamna deihte bel a hinna in a hua hi.

⁶Migilou saloute tung ah thang a kesak ding a; mei leh kat leh huih mulkimhuai tak a nou tan ding uh ahi ding hi.

⁷TOUPA lah a diktat ngal a; diktatna a deih naknak hi; mi diktatte’n a mel a mu ding uhi.