Read Paite Chin SAM 110 Bible Online

SAM 110 - Paite Chin bible

SAM 110

¹TOUPA’N, ka TOUPA kiang ah, Na melmate na khe ngakna a ka bawl masiah ka taklam ah tuin, a chi hi.

²TOUPA’N na hatna chiang Zion tang a kipan in a sawlkhe ding: nang nangmah doute lak ah vaihawm in.

³Na mite na thilhihtheihna ni ah amau utthu in a kipe zel uhi. Siangthou kilawmna ah, zingsang gilsung a kipan in, na valnou daitui na nei hi.

⁴TOUPA a kichiam a, a kisik nawn kei ding, Nang zaw Melkizedek omdan bang a tangtawn siampu na hi a, chi in.

⁵TOUPA na taklam a om in a heh ni’n kumpipate a nuaizan ding hi.

⁶Namchih lak ah vai a hawm ding a, munte siluang in a hihdim ding a, gam tampi ah lu a satzan ding hi.

⁷Lam lak a luita a dawn ding a: huaiziak in a lu a tawisang ding hi.