Read Paite Chin SAM 112 Bible Online

SAM 112 - Paite Chin bible

SAM 112

¹TOUPA phat un, TOUPA kihta mi’n nuam a sa hi, A thupiakte a nakpitak a kipak mi in.

²A suante lei ah hattak in a om ding ua: midiktat khang vualzawl in a om ding hi.

³A inn ah sum leh hauhsakna a om a: a diktatna tangtawn a om ding ahi.

⁴Mi dik ading in mial ah vakna hong pawtkhia a: Amah mi hehpihthei, chitna a dim diktat ahi.

⁵Mi hehpih a leitawisak mi hoih in a vuk nak a; Amah kizen tak in a khosa ding hi.

⁶Bangchik mah chiang a ling lou ding ahi ngal a: mi diktat tangtawn a theihgige in a om ding hi.

⁷Tanchin hoihlou takte a lau kei ding: TOUPA muang in a lungtang a kip ahi.

⁸A lungtang a kip a, a lau kei ding, Amah doute tung a a thudeih a hih tangtung a muh masiah.

⁹A hawmzak a, gentheite kiang ah a pia, a diktatna tangtawn a om ding ahi: a ki zahtak tak a pahtawi in a om ding hi.

¹⁰Migilou salou in huai a mu ding a, a heh ding a, a ha a gawi dia a zulmang ding, migilou saloute deihlam a mang ding hi.