Read Paite Chin SAM 113 Bible Online

SAM 113 - Paite Chin bible

SAM 113

¹TOUPA phat un. Aw TOUPA sikhate aw, phat unla, TOUPA min phat un.

²TOUPA min phat in om hen, Tua kipan a, tangtawn in.

³Ni suahna a kipan a tumna pha in, TOUPA min phat ding ahi.

⁴TOUPA nam chihte tung ah tungnungpek ahi a, a thupina in vante a khup tham ahi.

⁵Tunglam a tutphah nei, TOUPA i Pathian bang kua ahia,

⁶Van a thil omte leh lei a thil omte en ding a a kihihniam?

⁷Aman genthei leivui a kipan a kaithou a, tagah eklei a kipan a domkang hi.

⁸Mi liante kiang a omsak theihna ding in, a mite mi liante kiang ngei ah.

⁹Aman numei ching inn leh lou a kepsak a, tu leh ta nei nu nuamsatak in a bawl hi. TOUPA phat un.