Read Paite Chin SAM 12 Bible Online

SAM 12 - Paite Chin bible

SAM 12

¹TOUPA, hon panpih in; Pathian limsakmi lah a om nawnta ngal kei ua; mihing tate lak a kipan mi ginom lah a mangta ngal ua.

²Michih in a invengte kiang ah thu bangmahlou maimai a gengen uhi: maitang phatna leh khemna lungtang pu in thu a gen nak uhi.

³TOUPA’N maitang phatna muk tengteng a atkhe ding a, thu kisathei genna lei toh:

⁴Amau, i lei in i zou ding ua; i mukte eimah a ngei a ka, kua ahia itunga lal om? a chi uhi.

⁵TOUPA’N, Gentheite a simmawh ziak uleh, tagahte thum ziak in, ka thou pah dia; a nuihsan uh bittak in ka omsak ding, a chi hi.

⁶TOUPA thute thu siangthou tak ahi a; dangka leitung a haltuina mei a etkhiak a, sagihvei hihsiangthou zohsa bang ahi.

⁷TOUPA aw, nang amau na kem hoih ding a, hiai khangte lak ah chiklaipeuh in leng na humbit ding.

⁸Mihing tate lak ah khelhna pahtawi a a om in, migilou salou a vialvak nak uhi.