Read Paite Chin SAM 121 Bible Online

SAM 121 - Paite Chin bible

SAM 121

¹Tangte lam ah ka mit ka suantou ding a: koi a kipan in ahia hon panpihna a hongtun ding?

²Hon panpihna tuh TOUPA lei leh van bawlpa a pan a hongtung ding hi.

³Aman na khe kisuan a phal kei ding a; nangmah chingpa tuh a lusu kei ding hi.

⁴Ngai in Israelte chingpa a lusu in a ihmu sam kei ding hi.

⁵TOUPA nangmah chingpa ahi: TOUPA na taklam a nang hon liahpa ahi.

⁶Sun in ni’n a hon hai kei dia, zan in kha in leng a honsun sam kei ding.

⁷TOUPA’N hoihlou chiteng apan a honching dia; na hinna a ching ding hi.

⁸TOUPA’N na pawt leh na lut a ching ding a, tua kipan a, tangtawn in.