Read Paite Chin SAM 122 Bible Online

SAM 122 - Paite Chin bible

SAM 122

¹TOUPA inn ah hoh ni, ka kiang a a chihlai un ka kipak hi.

²Jerusalem aw, na kulh kongkhak sung ah ka khete uh ading hi.

³Jerusalem, khopi bang a lam kiptak a gawmkhawm:

⁴TOUPA min phat ding in huai ah namte a paitou ua, TOUPA namte ngei, Israelte kiang a thu theihsakna ding in.

⁵Huai ah lah vaihawmna ading in laltutphahte tun ahi ngal a, David inkuanpihte laltutphahte.

⁶Jerusalem khamuanna ding in ngetsak un: nang hondeihte a navak uhi.

⁷Na kulh sungte ah khamuanna om henla, na inpite ah navakna om hen.

⁸Ka unaute leh ka lawmte ziak in, na sung ah khamuanna om hen, ka chi ding hi.

⁹TOUPA i Pathian inn ziak in na hoihna ding ka zong ding.