Read Paite Chin SAM 124 Bible Online

SAM 124 - Paite Chin bible

SAM 124

¹Eilam a pang TOUPA hilou hileh, Israelte’n chi uhen;

²Mite’n honsual lai un eilam a pang TOUPA hilou hileh:

³Huailai mah in amau eite a hon hingvalhta ding ua, itung ua a thangpaih lai un.

⁴Huailai mah in tuite’n a hon tummangta ding a, lui in i hinna a vuktumta ding hi.

⁵Huailai mah in tui kisatheite’n I hinna a vuktumta ding hi.

⁶Sa mat bang a mat ding a a ha ua hon pelou TOUPA phat in om hen.

⁷Thangkamte thang a pan vasa a suakta bang in i hinna a suakta hi, thang a seta a, eite i suakta uhi.

⁸Hon panpihna ding TOUPA lei leh van bawlpa min ah a om chi in.