Read Paite Chin SAM 13 Bible Online

SAM 13 - Paite Chin bible

SAM 13

¹TOUPA aw, bang tan ahia n’on mangngilh nilouh louh ding? Bang tan ahia kei a kipan a na mai na sel ding?

²Nitum in ka lungtang a lungkhamna nei in bang tan ahia ka lungsim a ka gelgel ding? Bang tan ka melma ka tung a tawisan hi ding ahia?

³TOUPA ka Pathian aw, ngaihtuah inla, hon dawng in: ka mit hon hihvak inla, huchilou in zaw sihna ihmut in ka ihmu kha ding hi.

⁴Ka melma in, Amah ka zouta, a chi kha ding hi; ka lin leh kei hondoute a kipak kha ding uhi.

⁵Himahleh ken zaw na zahngaihna ka muang ahi; n’on hotdamna ah ka lungtang a kipak ding:

⁶Ka tung a hoihtak a a hihtak ziak in: TOUPA pahtawi in la ka sa ding hi.