Read Paite Chin SAM 130 Bible Online

SAM 130 - Paite Chin bible

SAM 130

¹TOUPA aw, tui thukpi a kipan k’on sam a,

²TOUPA ka aw ngaikhia in: hehpih ka ngetna aw na bil in ngaikhia in.

³TOUPA nang thulimlouhnate na chiamteh leh, TOUPA aw, kua ading zouta dia?

⁴Himahleh na kiang ah ngaihdamna a om ahi, kihtak a na om theihna ding in.

⁵TOUPA ka ngak gige a, ka hinna in a ngak gige a, a thu leng ka lamen ahi.

⁶A vengmin zingsang khovak a ngaklah sang in ka hinna in TOUPA a ngaklah zaw hi. Ahi, a vengmin zingsang khovak a ngaklah sang in.

⁷Israelte aw, TOUPA lamen un, TOUPA kiang ah chitna a om a, A mah ah tatna tampi a om hi.

⁸Huchi in aman Israelte a thulimlouhna tengteng ua kipan a honkhe ding hi.