Read Paite Chin SAM 137 Bible Online

SAM 137 - Paite Chin bible

SAM 137

¹Babulon luite gei ah, huai ah i tu a, ahi, i kap zel a, Zion i ngaihtuah hi.

²Huai a muisumte ah i kaihgingte i khai ua.

³Zion la khat hon saksak un, chi in, sal a honpite’n lasa din a honsawl ua, hon hih gentheite’n nuamsa ding in leng hon chinak uhi.

⁴Mi gam peuh ah TOUPA la bangchi’n i sa thei dia?

⁵Jerusalem aw, k’on mangngilh leh, ka khut taklam in a thilsiam mangngilh sam hen.

⁶K’on theihgige keileh, ka lei ka dangtawng ah belh bikbek hen; ka nopsakna pen sang a Jerusalem ka deih zawk kei leh.

⁷TOUPA aw, Jerusalem ni in Edom suante theigige in. A suangphum nangawn chimsak un, chimsak un, chite.

⁸Babulon tanu aw, hihman a om ding; ka tung ua na hih bang a honthuk ding kipak in a om ding hi.

⁹Na tanu noute hon laksak a, suangpi satna dia zangpa ding kipaktak in a om ding hi.