Read Paite Chin SAM 14 Bible Online

SAM 14 - Paite Chin bible

SAM 14

¹Mihai in a lungsim in, Pathian a omkei, a chi a. A kigawp khin ua, thil kihhuai tak a hih ua; thil hoih hih a omkei uhi.

²Theisiam a Pathian zong a om u hiam, chi in TOUPA’N van a kipan in mihing tate a ensuk hi.

³A hiloulam ah a pial vekta ua, nintak in a na om chiatta ua; kuamah thil hoih hih a omkei ua, khat lel leng a omkei hi.

⁴Thil hihkhialte tengteng in theihna himhim a neikei ua hia? Tanghou a nek bang un ka mite a nezou vek ua, TOUPA a sam kei uhi.

⁵Huai ah lau tuntun in a om ua; Pathian, mi diktat suante lak a a om ziak in;

⁶Mi genthei suangtuahnate na selphou ua, TOUPA a kihumbitna a hih ziak in.

⁷Israelte hotdamna Zion a kipan in hongpawt mahleh aw! TOUPA’N a mite sal a a om uh a pi kiknawn chiang in, huai hun in Jakobte a nuam ding ua, Israelte a kipakta ding uhi.