Read Paite Chin SAM 146 Bible Online

SAM 146 - Paite Chin bible

SAM 146

¹TOUPA phat un! Ka hinna aw, TOUPA phat in.

²Ka damsung teng in TOUPA ka phat ding a; ka hin laiteng in ka Pathian phat in la ka sa ding hi.

³Mi liante gingta kei unla, mihing tapa panpihna himhim omlouhna gingta sam kei un.

⁴A nakna in a pawtsan a, amah lei ah a kiknawn a; huai ni mah in a ngaihtuahnate a mang pah ahi.

⁵Jakob Pathian a panpih dia neimi in nuam a sa hi, a lametna TOUPA a Pathian ah a om hi:

⁶Aman van leh lei a bawl a, tuipi leh asung a om tengteng, aman thudik a vom gige hi.

⁷Nuaisiah a omte ding in vai a hawm sak a, gilkialte kiang ah an a pia. Hentate TOUPA’N a suaktasak hi;

⁸TOUPA’N mittawte mit a hih vaksak a; kun kheukheute TOUPA’N a kaitang a; TOUPA’N mi diktatte a it hi;

⁹TOUPA’N mikhualte a veng a; pabeite leh meithaite a khotuah a; himahleh gilou lampite a lumlehsak hi.

¹⁰TOUPA’N tangtawn in vai a hawm ding; Zion aw, na Pathian in suan tengteng tan in vai a hawm ding hi. TOUPA phat un!