Read Paite Chin SAM 148 Bible Online

SAM 148 - Paite Chin bible

SAM 148

¹TOUPA phat un! Van a kipante TOUPA phat unla: tunglamte ah Amah phat un.

²A angel tengteng aw, amah phat unla; a sepaih tengteng aw amah phat un!

³Ni leh khate aw, amah phat unla; aksi vakte aw, amah phat un!

⁴Vante, vante aw, amah phat unla, van tung a tui omte aw, amah phat un!

⁵Huaite’n TOUPA min phat uhen: aman thu a pia a, siam in a omta uhi.

⁶Aman huaite tangtawn tangtawn a din a hihkip a: khen nawn theihlouh ding in a gite uh a khung kip hi.

⁷Nou Dragonte leh thuknate aw! Lei a kipan TOUPA phat un.

⁸mei leh gial, vuk leh tuihute aw, a thu zui zel huihpite:

⁹tang lian leh tang neute, sing gah nuam leh sidar singte aw:

¹⁰gamsate leh ganvulhte aw; ganhingte,tungleng vasate aw;

¹¹lei a kumpipate leh michih kumpi tate leh lei vaihawmte aw:

¹²Nungak leh tangvalte, putek leh naupangte aw, TOUPA phat un!

¹³Huaite’n TOUPA min phat uhen; Amah min kia tawisang in a om ngal a: a thupina in lei leh van a khup tham hi.

¹⁴A mite adin ki a tungdingta, a misiangthou tengteng adin phatna mah; Amah kiang nai a om Israel mite ading. TOUPA phat un!