Read Paite Chin SAM 149 Bible Online

SAM 149 - Paite Chin bible

SAM 149

¹TOUPA phat un! TOUPA pahtawi in la thak sa unla, misiangthoute kikhopna ah a phatna lasa un.

²Israelte amau siampa tung ah kipak uhenla; Zion tate a kumpipa uh tung ah nuam uhen.

³A min lou in phat uhenla; khuangta leh kaihging toh amah phat in lasa uhen.

⁴TOUPA a mite tung ah a kipak a; thunuailutte hotdamna in a zem ding hi.

⁵Misiangthoute thupina ah kipak tak in om uhenla: a lupna tungte uah nuam in Lasa uhen!

⁶Pathian pahtawi a phatna a kam uah om henla, namsau hiam tuah a khut uah om hen.

⁷Namchih tung a phu la a, michih tung a gawtna tungsak ding leh,

⁸A kumpipate uh khainiang a hen a, a mi hoihte uh sikkolte bunsak ding leh,

⁹a tung ua vaihawm gelhsa tungsak ding in: huai kilawmna a misiangthou tengteng in a neichiat uhi, TOUPA phat un!