Read Paite Chin SAM 19 Bible Online

SAM 19 - Paite Chin bible

SAM 19

¹Vante’n Pathian thupidan a theisak ua; huihkhua liantak in a khutsuak a langsak hi.

²Sun in sun kiang ah thu a gen sawn a, Zan in zan kiang ah theihna a sulang sawnsawn hi.

³Thugen himhim leh pau a omkei a; a aw uh bil a zak theih ahi kei hi;

⁴A tehna khau uh leilung luah tengteng ah Zam suaksak in a om a; a thu uh kawlmong pha in a thangkheta hi. Huaite ah ni ading in puanin a zak a,

⁵Huai ni tuh mouneipa ding a dantan a kipan pawt bang ahi a, mi hattak bang in, a taina lampi a a tai ding nuam a sa naknak hi.

⁶A pawtna kawlmong tawp a kipan ahi a, a taikawina a tawp lehlam tan in ahi a, a satdan theilou a selguk in a omkei hi.

⁷TOUPA dan a hoihkim a, hinna a halhsak hi; TOUPA thu theihsak a muanhuai a, mi mawl a pilsak hi.

⁸TOUPA thuzohna a dik a, lungtang a kipaksak nak hi: TOUPA thupiak a siangthou a, mitte ahihvak nak hi;

⁹TOUPA laudansiam a siang a, tangtawn a ding in a om hi: TOUPA vaihawmnate a tak a, a kizen kimvel vek ahi.

¹⁰Huaite dangkaeng sang in a deihhuai zaw ahi; ahi, dangkaeng siangthou tampi sang in leng: khuaizu leh khuaikhak sang in leng a khum zaw ahi.

¹¹Huai lou leng huaite in na sikha taihilh in ka om zel hi; huaite zuih kipahman thupitak neihna ahi zel hi.

¹²Kuan ahia amah diklouhnate theithei ding? Diklouhna kiselte lak ah hon huikhia in.

¹³Thil hihkhial teitei lou ding in na sikha honlen chinten inla; ka tung ah amaute thunei sak ken! huchi in hoih in ka om dia, tatlekna thupitak lak ah gensiat bei in ka om ding hi.

¹⁴TOUPA aw, ka suangpi leh hontanpa, ka kam a thupawtte leh ka lungtang a ka ngaihtuahnate na mitmuh in pomtak hi hen.