Read Paite Chin SAM 2 Bible Online

SAM 2 - Paite Chin bible

SAM 2

¹Bang achia namchih heh uh ahia, bang achia michih in thil phatuamlou ngaihtuah uh ahia?

²Leitung a kumpipate a kisa duamduam ua, heutute’n leng TOUPA leh a thaunilh a sawm chiat ua,

³A gaknate uh hihtat in, a khauhualte uh ei a kipan i paimang ding uh, chi in.

⁴Van a tupa a nui dia: TOUPA’N amau a nuihsan ding;

⁵Huaikhit chiang in heh in a kiang uah thu a gen ding a, thangpai tak in amau a hih mangbangta ding hi:

⁶Keimahmah in ka tang siangthou Zion ah ka kumpipa ka tusak hi, a chi hi.

⁷Thusehsa ka gen ding hi: TOUPA’N ka kiang ah, Nang zaw ka tapa na hi a; tuni in ka hon neikhia ahi;

⁸Honngen in, huchi in na gouluah ding in namchih k’on pedia, kawlmong tawp tan in na gou ding in leng k’on pe ding hi;

⁹Amaute sik chiang in na hihkham dia; belvelte’n bel a paih khap bang un na pai kham ding a, A chi hi.

¹⁰Huchi in kumpipate aw, pilta unla: leitung a vaihawmte aw, thuzoh in omta un;

¹¹Laudan siam in TOUPA nna sem unla, ling kawm in kipak un;

¹²Tapa tawp unla, huchi kei leh a heh dia, lam lak ah na mangthang kha ding uh, a thangpai zok ding hi. Amah a ginna koih tengteng a hampha uhi.