Read Paite Chin SAM 20 Bible Online

SAM 20 - Paite Chin bible

SAM 20

¹Mangbat ni’n TOUPA’N hon dawng hen! Jakob Pathian min in hon liahkhuh hen!

²Mun siangthou a kipan in panpihna hon sawlsak henla, Zion a kipan in hon hihhat hen!

³Na thillat teng theigige henla, na haltum thillat kipahpih hen! Selah

⁴Na lungtang deihlam honpia henla, na lunggel tengteng hon lohchingsak hen.

⁵Na hotdamna ah nuam in la ka sa ding ua, ka Pathian min un ka puanzakte uh ka zak lai ding uh! TOUPA’N na ngetnate hon lohchingsak hen!

⁶TOUPA’N a thaunilh a hondam chih tuin ka theita; a khut taklam hotdamna tha in a van siangthou a kipan in amah a hon dawng ding hi.

⁷Khenkhatte’n kangtalaite a muang ua, khenkhat in sakolte a muang uhi: Enzaw TOUPA i Pathian min I louzaw ding uhi.

⁸Amau zaw a kun ua, a pukta ua; ei zaw i thou ua, i ding zawta hi.

⁹TOUPA, hondam in: i sap chiang in Kumpipa’n hon dawng hen.