Read Paite Chin SAM 38 Bible Online

SAM 38 - Paite Chin bible

SAM 38

¹TOUPA aw, heh in hontai kenla; thangpai in honsawi sam ken.

²Na thalte ka sa ah a tal a, na khut ka tung ah a tu bukbuk ngal a.

³Na lunghihlouhna ziak in ka sa ah damlai himhim a omkei a; ka thulimlouhna ziak in ka guhte ah damlai a omkei hi.

⁴Ka thulimlouhnate’n ka lu a tum mang a, puakgik tak, ka puak zoh vuallouh ahi.

⁵Ka haina ziak in ka liamnate uih in a namse zouta hi.

⁶Ka chi a na a, ka kun ngiungiau a; nitum in lungkham in ka mau den hi.

⁷Ka kawng a lum huthut vek a; ka sa ah leng damlai a omkei hi.

⁸Ka bah a, ka sidup keihkuih a; ka lungtang noplouhna ziak in ka thum hithit hi.

⁹TOUPA aw, ka deihlam tengteng na thei a; ka thumnate nang apan sel ahi kei hi.

¹⁰Ka lungphu kisai in hatna ka neikei a; ka mit vakna in hon paimang santa hi.

¹¹Hon itte leh ka lawmte ka natna lak ah a kihuikhia ua; ka sanggamte leng gamlapi ah ading uhi.

¹²Ka hinna hihmang tum a zongte’n hon matna ding un thang a kam ua; ka siatna ding zongte’n leng thu hoihlou takte a gen nak uhi; nitum in khemna thute a ngaihtuah uhi.

¹³Himahleh kei tuh bengngong bang in za lou in ka om a; pautheilou mi kamka ngeilou bang in ka om hi.

¹⁴Ahi, mi pau zalou, a kam a taihilhna pawt ngeilou bang in ka om hi.

¹⁵TOUPA aw, nangmah k’on lamen ngal a; TOUPA ka Pathian aw, nang n’on dawng hi.

¹⁶Huchilou in zaw hon otsan dia, ka khe a teu tak in ka tung ah a kihihlian kha ding uh, ka chi ahi.

¹⁷Ka puk dekdek ngal a, ka lungngaihna leng ka ma ah a om gige hi.

¹⁸Ka thulimlouhna ka pulak ding a; ka khelhna ziak a lungngai in ka om ding ahi.

¹⁹Himahleh hondoute a halh ua, a hat uhi: diklou pi a hon hawte kilawmlou pi in a pung ua.

²⁰Thil hoih thil gilou a thukte thil hoih ka delh ziak in hondoute ahi uhi.

²¹TOUPA aw, hon paisan kenla; ka Pathian aw, hon gamlat mahmah ken.

²²TOUPA hon hondampa aw, hon panpih ding in, kin meng in.