Read Paite Chin SAM 4 Bible Online

SAM 4 - Paite Chin bible

SAM 4

¹Ka diktanna Pathian aw, k’on sap chiang in hon dawng in; ka mangbat chiang in, nang n’on hih navak zel a: hon hehpih inla, ka thumna hon ngaihkhiak sak in.

²Mihing tate aw, ka thupina bangtan ahia zahlakna a na suahsak ding uh? Bang tan ahia thil bangmahlou na thupi sak ua, zuauthu na zon ding uh? Selah

³TOUPA Pathian limsak mi amah ading in a koihtuam chih theizaw un: Amah ka sap peuhmah chiang in, TOUPA’N a hon ngaikhe ding hi.

⁴Kihta unla, thil hihkhial kei un: na lupna tung uah na lungtang uah na lungtang un ngaihtuah unla, dai sipsip un. Selah

⁵Diktatna kithoihna lan unla, TOUPA gingta un.

⁶Hoihna himhim kuan ahia hon musak ding chite tampi a om uhi. TOUPA, nangmah mah in na mel vak in honsun vak in;

⁷A buh leh a uain uh a hong khan chiang a a kipahna sang ua, kipahna thupizaw ka lungtang ah na omsak hi.

⁸Khamuangtak in ka lum dia, ka ihmu ding hi: TOUPA, nangmah mah na hi, kei kia a leng bittak a hon omsak gige.