Read Paite Chin SAM 43 Bible Online

SAM 43 - Paite Chin bible

SAM 43

¹Pathian aw, vai hon hawmsak inla, Pathian limsaklou nam tung ah ka thu hon genpih in: aw, mi khemhat, mi diklou lak ah hon humbit in.

²Nang ka hatna Pathian na hi ngal a; bangding in ahia n’on pampaih ding? Bangding in ahia melma nuaisiahna ziak a lungkham a ka mau vialvial nak?

³Aw, na vak leh na thutak sawl khia inla, amaute’n na tang siangthou ah honpi in, na omnate hontun uhen.

⁴Pathian maitam kiang ah ka pai ding, Pathian ka nuamna mahmah kiang ah; Pathian, ka Pathian aw, kaihging toh in k’on phat ding hi.

⁵Ka hinna aw, bang achia kun nilouh? Bang achia ka sung a buai na hia? Pathian lamen in: amah phat ding ka hi ngal a, hon panpihpa leh ka Pathian.