Read Paite Chin SAM 45 Bible Online

SAM 45 - Paite Chin bible

SAM 45

¹Ka lungtang thil hoih in a dimlet a: kumpipa tungtang thu a ka laphuah ka gen ding hi: ka lei laigelh siamtak laigelhna ahi.

²Mihing tate sang in na mel a hoihzaw a; hehpihna in na muk a kinuh hi; huaiziak in Pathian in tangtawn ading in vual a honzawl ahi.

³Aw, mihat, namsau na kawng ah vom in, na thupina leh na kilawmna toh;

⁴Thutak leh thunuailutna leh diktatna ziak in na kilawmna silh in lamzang tak in sakol tung a tuang in pai zel in: huchi in na khut taklam in thil mulkimhuaite a honhilh ding ahi.

⁵Na thal a zum a; michih na nuai ah a puk zel uh: kumpipa melmate lungtang ah a tal hi.

⁶Pathian aw, na mangtutphah tangtawn in a om ding ahi: khentuam neihlouhna lalchiang na gam lalchiang ahi.

⁷Diktatna na deih a, gilou salou na hua hi, huaiziak in, Pathian, na Pathian in, na lawmte sang in nakpi’n nuamna thau a honnilhta hi.

⁸Na puansilh tengteng murra gimte, aloe gimte, sing gimte a nam vungvung a; saiha a bawl kumpipa in a kaihging chi tuamtuam ging hong pawtte’n a hon hihnuam ahi.

⁹Na numei hoihte lak ah kumpipate tanute a pang ua; na taklam ah Ophir dangkaeng a kizem in kumpinu ading hi.

¹⁰Ka tanu aw, ngaikhia inla, ngaihtuah inla, bildoh in; na mite leh na pa inn a mite mangngilh in.

¹¹Huchi in kumpipa’n na melhoih a deih ding hi, amah i TOUPA ahi ngal a; amah bia in.

¹²Tura tanu thilpiak tawi in huai ah a om ding a; mi lak a hausate ngei in na hehpihna a ngen ding uhi.

¹³Kumpipa inn sung a kumpipa tanu a thupi zou hial a: a puansilh dangkaeng a zep kilawm ahi.

¹⁴Puan khui kilawm silh in kumpipa kiang ah a pi ding ua: amah zui a lawm nungakte na kiang ah a pi ding uh.

¹⁵Kipak leh nuam in a pi ding ua: kumpipa in ah a lut ding uh.

¹⁶Na pate sik in na tate a om ding ua, amau leitung tengteng ah milian in na bawl ding.

¹⁷Na min suan tengteng ah theih gige ding in ka bawl ding: huaiziak in michih in tangtawn tangtawn in kipahthu a honhilh ding uh.