Read Paite Chin SAM 46 Bible Online

SAM 46 - Paite Chin bible

SAM 46

¹Pathian i kihumbitna leh i hatna, mangbat lai a huh pahpahpa nai gige ahi.

²Huaiziak in leitung hong kidang in, mualte tuipi sung pek ah kisuan mahleh i lau kei ding uh.

³A tuite ging honhon in phul butbut mahleh, a kihot thupi ziak in mualte ling duamduam mahleh, i lautuan sam kei ding. Selah

⁴Lui khat a om a, huai luikate’n Pathian khopi a kipaksak hi, tungnungpen omna Mun Siangthou tak.

⁵Pathian a laitak ah a om a, a ling kei ding: Pathian in phalvak chiang in a panpih ding hi.

⁶Namchih a ging huthut a, gamte a ling a: aman a aw a suah a leitung a hong tuikhinta hi.

⁷Sepaihte TOUPA i kiang uah a om a: Jakob Pathian i insang ahi. Selah

⁸Kisa un, TOUPA thilhihte en un, leitung a thil a hihsiatdan.

⁹Aman kidounate kawlmong pha in a hihtawp a; thalpeu a hihtan a, tei a sat tan hi; kangtalaite mei ah a haltum hi.

¹⁰Dai unla, Pathian ka hi chih thei un: namchih lak ah pahtawi in ka om ding, lei ah pahtawi in ka om ding hi.

¹¹Sepaihte TOUPA i kiang uah om a; Jakob Pathian i insang ahi. Selah