Read Paite Chin SAM 47 Bible Online

SAM 47 - Paite Chin bible

SAM 47

¹Mi tengtengte aw, na khut uh beng unla; Nopna aw in Pathian kiang ah kikou un.

²TOUPA Tungnungpen a kihtakhuai a; leitung tengteng ah kumpipa thupitak ahi.

³Aman michih i nuai uah a zou ding a, namchih i khe nuai ah a zou ding hi.

⁴Aman i gouluah ding hon telsak ding a, a it Jakob leh a suanpen gam mah ahi. Selah

⁵Pathian kikou aw toh a paitou a, TOUPA pengkul ging toh a pai tou hi.

⁶Pathian phat in lasa unla, phat in lasa un; i kumpipa phat in lasa unla, phat in lasa un.

⁷Pathian khovel tengteng Kumpipa ahi ngal a: theisiam a phat in lasa un.

⁸Pathian namchih tung ah kumpipa in a tu a: Pathian a mangtutphah siangthou ah a tu hi.

⁹Abraham Pathian mite hi ding in michih lak a miliante a omkhawm ua: leitung kumpipate Pathian a ahi ngal ua: amah nakpitak a pahtawi in a om hi.