Read Paite Chin SAM 6 Bible Online

SAM 6 - Paite Chin bible

SAM 6

¹TOUPA aw, heh in honsal kenla, thangpai in honsawi sam ken.

²TOUPA aw, hon hehpih in, ka gim gawpta a: TOUPA aw, hon damsakin; ka guhte lah a na vekta ngal a;

³Ka hinna leng nakpitak a hihmangbat in a om hi: TOUPA aw, nang bang tan ahia n’on etsim ding?

⁴TOUPA aw, hongkik nawn inla, ka hinna hondam in: na hoihna phatna ziak in hon hondam in;

⁵Sih nung in nang theihgigena a om ngal kei a: Sheol ah kuan ahia na tung a kipahthu gen ding?

⁶Ka mauna lam ah ka bahta; zan teng in ka lupna tui ah ka kilam sak a; ka lupna ka khitui in ka kawt sak zel hi;

⁷Ka mit lungkhamna ziak in a se hulhul a; hondoute ziak in a hongtek deuhdeuhta a.

⁸Nou, na gilou sem tengteng aw, hon paisan vek un; TOUPA’N ka kah ging a zata ngal a;

⁹TOUPA’N hehpihna ka nget lah a ngaikheta a; TOUPA’N ka thumna a kipahpih ding hi;

¹⁰Hondoute tengteng a zahlak un a mangbang mahmah ding ua; a kiknawn ding ua, thakhat in a hong zahlak ding uhi.