Read Paite Chin SAM 61 Bible Online

SAM 61 - Paite Chin bible

SAM 61

¹Pathian aw, ka kikou husa na za inla; ka thumna ngaikhia in.

²Ka lungtang a bah lai in kawlmong a kipan k’on sam ahi: Suangpi kei sang a sangzaw ah honpi in.

³Nang kei ading in humbitna melmate lak ah galven insang kiptak na hi ngal a.

⁴Na puanin ah tangtawn in ka om ding a: na kha nuai bukna mun ah ka muang ding hi. Selah

⁵Pathian aw, nang ka thuchiamte na ngaikhia a: na min laudansiamte gamluah tuh n’on pia hi.

⁶Kumpipa damsung hihsau in: a kumte suan tampi bang ahi ding.

⁷Pathian ma ah tangtawn in a om gige ding: aw, amah a humbit theihna leh thutak bawl in.

⁸Huchi in ka thuchiamte niteng a ka hih theihna ding in, tangtawn in na min phat in la ka sa ding hi.