Read Paite Chin SAM 62 Bible Online

SAM 62 - Paite Chin bible

SAM 62

¹Ka hinna in Pathian kia a ngak a, amah a kipan in ka hotdamna a hongpawt ding ahi.

²Amah kia ka suangpi leh Hon hondampa ahi. Ka insang ahi a, nakpitak in ka ling kei ding hi.

³Nou tengteng in, mi khat that ding a, bang awn leh gawl puk dekdek bang in bang tan ahia na sual ding uh?

⁴A thupina a kipan a sawnkhe ding lel in a kihou ua; zuaugen a kipah lamtak uh ahi a: a kam un a vualzawl ua, himahleh a lungsim un hamsia a loh zel ngal uhi. Selah

⁵Ka hinna, Pathian kia ngak in; ka lametna amah kiang a kipan a pawt ahi ngal a.

⁶Amah kia ka suangpi leh ka hotdamna ahi: ka insang ahi a; ka ling kei ding.

⁷Pathian kiang ah ka hotdamna leh ka thupina a om a: ka hatna suangpi leh ka kihumbitna Pathian ah a om hi.

⁸Nou mipite aw, chiklaipeuh in leng amah muang unla, na lungtang uh a ma ah sungbua un: Pathian ei ading in kihumbitna ahi. Selah

⁹Mi nam niamte bangmahlou lel ahi ua, mi nam liante leng zuau lel ahi uhi: bukna ah a paitou ding ua; maimai sang in a zang zaw uhi.

¹⁰Nuaisiahna muang kei unla; mi hiamgam hat suan in neisam kei unla: hauhnate a hong khan leh a tung ah na lungtang uh nga kei un.

¹¹Pathian in khatvei a gen a; hiai nihvei tak ka zata hi; thilhihtheihna Pathian a ahi chih.

¹²TOUPA aw, chitna nang a mah ahi a: michih a thilhih bangbang un na thuk ngal zel hi.