Read Paite Chin SAM 64 Bible Online

SAM 64 - Paite Chin bible

SAM 64

¹Pathian aw, ka mangbat thu ah ka aw na za inla: melmate lauhhuaina lak ah ka hinna humbit in.

²Thil hoihlou hihte kihou gukna lak ah honsel in; thil hihkhialte buaina lak ah.

³Amau namsau bang in a lei uh a tat hiam ua, a thu khate ngei uh thalte bang a kap ding in a ngim ua.

⁴Mi gensiatbeite mun dai a a kap theihna ding un: lau lou in khatvei thu in a kap guih ngal uhi.

⁵Thil gilou hih ding in a ki thuhilh ua; thang a guk a kam thu bang ah a kihou zel ua: kuan huaite a mu dia? a chi ua.

⁶Thulimlouhna a zongkhia ua; Hahkat tak in i zongta, a chi ua: a sunglam ngaihtuahna leh lungtang uh thuk tak ahi ngal a.

⁷Himahleh Pathian in amau a kap ding a: Thakhat in thal a liam in a om ding uhi.

⁸Huchibang in, amau lei ngei in amau a dou ziak in, kisui in a om ding uhi: amau mute’n a lu uh a sing uhi.

⁹Huchi in, mi tengteng in a lau ding ua: Pathian nasep a gen ding uhi, a thilhih piltak in a ngaihtuah ding uhi.

¹⁰Mi diktatte TOUPA ah a kipak ding uh; lungtang diktat pu tengteng in a suang ding uhi.