Read Paite Chin SAM 70 Bible Online

SAM 70 - Paite Chin bible

SAM 70

¹Pathian aw, hon humbit ding in kin inla; Toupa aw, hon panpih ding in kin meng in.

²Ka hinna hihmang tum a zongte zahlak in zum uhen, ka siatna zong a kipakte.

³Ku! Ku! Chite a zahlak ziak un taikek sak in om uhen.

⁴A honzong tengteng nangmah ah nuamtak leh kipaktak in om uhenla; na hotdamna itte’n, Pathian pahtawi in om hen, chi gige uhen.

⁵Himahleh kei zaw genthei leh tagah tak ka hi a; Pathian aw, ka kiang ah hongpai meng in: nang hon panpihpa leh hon humbitpa na hi a; TOUPA aw, sawt hal mahmah ken.