Read Paite Chin SAM 75 Bible Online

SAM 75 - Paite Chin bible

SAM 75

¹Pathian aw, kipahthu k’on hilh uhi; kipahthu k’on hilh uhi, na min a nai ziak in: min na thillamdang hih thute a gengen uhi.

²Hun seh pen ka muh hun chiang in diktak in vai ka hawm ding hi.

³Lei leh asung a om tengteng a zul khinta: ken a bante ka phut ahi. Selah

⁴Mi uangte kiang ah, Uangtakin omkei un, ka chi a: migilou saloute kiang ah, Na ki uh sangsak kei un, leng ka chi hi.

⁵Na ki uh tunglam ah hihsang kei unla; ngawng golh zen in thu gen kei un.

⁶Sansakna suahlam a kipan ahi kei a, tumlam a kipan leng ahi kei lai a, simlam a kipan ahi sam kei hi.

⁷Pathian vaihawmpa ahizaw: Aman khat niamsak in khat a sangsak hi.

⁸TOUPA khut ah nou a om a, a uain a phul a; thildang toh hel in a dim a, huai apat a bungkhia a; pellou in a neng nangawn lei a migilou salou tengteng in a dawn siang sipsip ding uhi.

⁹Himahleh ken zaw tangtawn in ka theisak ding a, Jakob Pathian phat in la ka sa ding hi.

¹⁰Migilou saloute ki tengteng ka hihtan ding a; mi diktatte ki zaw sansak in a om ding hi.