Read Paite Chin SAM 81 Bible Online

SAM 81 - Paite Chin bible

SAM 81

¹Pathian hon hihhatpa pahtawi in nuamtak in lasa unla; Jakobte Pathian pahtawi in nuam tak in kikou un.

²Phatna lasa unla, khuangta, kaihging ngaihnophuai, pekging toh hontawi un.

³Kha thak in pengkul mut unla, kha lik a i Ankuangluina thupi ni’n.

⁴Israelte ding a thuseh ahi ngal a, Jakobte Pathian dan ahi.

⁵Huai Joseph lak a thu theihsakna ding a a seh ahi. Aigupta gam tung a a paikhiak lai in: ka theihlouh pau ka zak lai in.

⁶A liangzang thilgik apan in ka lasuan a: a khutte loh a kipan a khah in a om hi.

⁷Mangbatni’n n’on sam a, k’on humbit a; van ging bukna mun ah k’on dawng hi; Meribah tuite ah k’on ze-et ahi. Selah

⁸Ka mite aw, ngaikhia unla, ka hon theihsak bang in; Israelte aw, ka thu ngaikhe nuamle uteh aw!

⁹Gamdang pathian himhim na lak uah a om ding ahi kei; midang Pathian himhim na biak ding uh leng ahi kei hi.

¹⁰Kei, TOUPA na Pathian uh ka hi a, Aigupta gam a kipan honpi khepa tak: na kam uh liankat un, ka hihdim ding hi.

¹¹Himahleh ka mite’n ka aw a ngaikhe kei ua; Israelte’n hon deihkei uhi.

¹²Huchi in a lungtang uh genhak dan bangzel a om ding in ka khahzanta ahi, amau hoihsak bang a a omna ding un.

¹³Aw, ka mite’n ka thu ngaikhia in, Israelte ka lampite ah pai le u aw:

¹⁴A melmate uh ka hihneu zok in, amau galte tung ah ka khut ka lik ding hi.

¹⁵TOUPA hawte a kiang ah a kipelut ding uhi; amau hun bel a om nilouh louh ding ahi.

¹⁶Nou bel buh hoihpen in k’on vak ding hi; suangpi a khuaizu in k’on taisak ding ahi.