Read Paite Chin SAM 82 Bible Online

SAM 82 - Paite Chin bible

SAM 82

¹Pathian tuh Pathian kikhopna bawl ah ading a; Pathiante lak ah vai a hawm hi.

²Bang tan ahia diklou tak a vai na hawm ua, migilou saloute, na deihsak tuam ding uh? Selah

³Gentheite leh paneiloute hawmsak unla; haksa thuakte, tagahte tung ah hihdik un.

⁴Gentheite leh tagahte gum unla; migilou salou khut a kipan humbit un.

⁵A theikei ua, theihsiamna leng a neikei uh; mial ah a kileh a kileh ua: leilung kingakna tengteng a lingta hi,

⁶Pathiante na hi ua, na vek un Tungnungpen tate na hi uh, ka chi hi.

⁷Himahleh mihingte bang phet in na hongsi ding ua, mi lian khat bang in na hongpuk ding uhi.

⁸Pathian aw, thou inla, lei vai hawmsak in: namchih na gouluah ding ahi uhi.