Read Paite Chin SAM 87 Bible Online

SAM 87 - Paite Chin bible

SAM 87

¹A suangphum tang siangthou ah a om hi.

²TOUPA’N Zion kulh kongkhakte Jakob omna tengteng sang in a it zaw ahi.

³Pathian khopi aw, na tungthu thupitak in a gen uhi. Selah

⁴Hontheite lak ah a pang sam uh chih Rahab leh Babulon tungtang thu ka gen ding: Philistia leh Tura, Ethiopia toh, en un; hiai mi huailai a piang ahi.

⁵Ahi, hiai mi leh huai mi amah a piang ahi ua: Tungnungpen ngei in amah a hihkip ding, chih, Zion tungtang thu a gen ding uhi.

⁶TOUPA’N, mite min a gelh chiang in, hiai mi huai a piang ahi, chi’n, a sim ding uh, Selah

⁷Lasate’n, a lamte toh, Ka tuikhuk teng nangmah ah ahi a om, a chi ding uhi.