Read Paite Chin SAM 90 Bible Online

SAM 90 - Paite Chin bible

SAM 90

¹TOUPA, suan tengteng tan a ka tenna uh nang na hi a,

²Tangte pian ma a, leitung leh khovel na bawlkhiak ma in leng; tangtawn a kipan tangtawn Pathian nang na hi.

³Nang mihingte manthatna ah na kiksak a; Mihingtate aw, kik un, na chi zel hi.

⁴Nang seh in kum sang khat zan mangta bang phet ahi a, zan ven khat sung bang phet ahi.

⁵Amaute tui lian bang in na taimang a; khang khat ihmu bang phet ahi uh: zingsang a loupa dawn khia bang ahi uhi.

⁶Zingsang in a hongpou in a hong dawnkhia a; nitaklam in phuk in a om a, a vuai hi.

⁷Na hehna a hihman in ka om ua, na thangpaihna a hihmangbat a leng ka om ziak un.

⁸Ka thulimlouhnate uh na ma ah na koih a, ka khelhna gukte uh na mel vak ah na koihta hi.

⁹Ka damsung ni tengteng uh na hehna ah a mang zel a: ka damsung kumte uh tangthu bang in ka tawpsak uhi.

¹⁰Ka damsung kumte uh kum sawmsagih ahi a, hatna ziak in kum sawmgiat leng ahi thei hi; himahleh a sawtna sepgimna leh lungngaihna lel ahi a; a mang paha, kou leng ka leng mang zel uhi.

¹¹Kuan ahia na hehna thilhihtheihdan thei a, nang kihtak ding dan a na hehna theilou?

¹²Ka damsung nite uh simdan honhilh in, pilna lungtang ka neih loh hial na ding un.

¹³TOUPA aw, hongkik nawn in; bang tan ahia na heh ding? Na sikhate tungthu ah na lungsim kiheisak in.

¹⁴Aw, zingsang in na chitna in hon taisak in; ka damsung tengteng ua ka nuam ua ka kipah theihna ding un.

¹⁵Nang n’on hihgim ni leh, thil hoihlou ka tuah kum sung hute bang un hon kipaksak in.

¹⁶Nna nasep na sikhate kiang ah kithei henla, na thupina a tate kiang uah kithei hen.

¹⁷TOUPA ka Pathian uh kilawmna ka tung uah om hen: ka khut nasep uh ka tung uah leng hihkip in; ahi, ka khut nasep uh hihkip in.