Read Paite Chin SAM 91 Bible Online

SAM 91 - Paite Chin bible

SAM 91

¹Tungnungpen bukna mun a ommi Bangkim hihthei lim ah a om ding hi.

²TOUPA tungthu ah, Amah ka kihumbitna leh ka kulhpi; ka Pathian, ka muan ahi, ka chi ding.

³Aman thangkammi thang leh Hi hoihlou lak ah nang a hon hondam ding hi.

⁴A kha in a honkhuh ding a, A kha nuai ah na muang ding hi; A thutak pho neu leh pho lian ahi.

⁵Zan a thil mulkimhuai na lau kei ding a, Sun a thal leng zong na lau kei ding hi:

⁶Mialnuai a hi leng na lau kei ding a, Sun a thil hihsia siatna na lau kei ding hi.

⁷Na sik ah sang a puk ding ua, na taklam ah sing a puk ding uh; himahleh Nang honnaih kei ding hi.

⁸Na mit in na en ding a, migilou saloute siatna a muh in na mu lel ding hi.

⁹TOUPA aw, nang ka kihumbitna na hi a! Tungnungpen na omna a hi;

¹⁰Thil hoihlou in a hon tuak kei ding a, hi himhim in leng na puan in a honnaih sam kei ding hi.

¹¹Na lampi teng a hon humbit ding in, na tungthu ah zaw a angelte thu pe ding ahi ngal a.

¹²A khut un hondom ding ua, huchilou in zaw na khe in suang na sui khakha ding hi.

¹³Humpinelkai leh gul gial na sikden ding a; Humpinelkai hatlai leh dragon na sikden ding hi.

¹⁴Ka tung a a itna a ngak ziak in amah ka humbit ding a: ka min a theih ziak in mun sang ah ka khatou ding hi.

¹⁵Aman honsam ding a, ka dawng ding hi; mangbat lai in a kiang ah ka om ding hi: amah ka humbit in ka pahtawi ding hi.

¹⁶Damsawtna in ka lungkim sak ding a, ka hotdamna leng ka musak ding hi.