Read Paite Chin PAUNAKTE 20 Bible Online

PAUNAKTE 20 - Paite Chin bible

PAUNAKTE 20

¹Uain muhsit hat ahi a, zu khauh kilai hat ahi; kuapeuh huai a paikhial a pilkei hi.

²Kumpipa kihtakhuaina humpinelkai humham bang ahi: kuapeuh amah hihheh in amah hinna siatna ding in thil a hihkhial hi.

³Mihing ading in kinakna a kipan kidang koih zahtakhuaina ahi: himahleh mihai in kinakna a bawl ding hi.

⁴Mi thadah in phavang in lei a letkei ding; huaiziak in pawltak chiang in a zong dia, bangmah a neikei ding hi.

⁵Mihing lungtang ah thupha gel tui thuk bang ahi; himahleh theihsiamna nei min huai a suahkhe ding hi.

⁶Mi tampi’n amah tung a siam mi a tuak ding: himahleh mi ginom kuan a mu ding?

⁷Midik amah muanhuaina a om amah nung in a tate a hampha uhi.

⁸Kumpipa vaihawmna mangtutphah tung a tuin a mit in gilou tengteng a thehzak hi.

⁹Kua’n, ka lungtang ka hihsiang a, ka khelhna a kipan ka siangthou, a chi thei dia?

¹⁰Bukna chi tuamtuam leh, tehna chi tuamtuam, a nih tuaktuak un TOUPA ading in kihhuai ahi.

¹¹Naupang nangawn in a thilhih in amah leh amah a kitheisak a, a nasep a siangthou hia, a dik hia chih.

¹²Zathei bil leh, muthei mit, TOUPA’N a nih tuaktuak un a bawl hi.

¹³Ihmut it ken, na genthei kha ding hi; na mit hak in, huchi in tanghou in na tai ding hi.

¹⁴A leimi in, bangmah ahi kei, bangmah ahi kei, a chi: himahleh a pai khitnung in, huaichiangin a kiuangsak hi.

¹⁵Dangkaeng a om, rubi suang tampi: himahleh theihsiamna mukte jewel suangmantam ahi uh.

¹⁶Mikhual adia mawhkhu ding a kichiammi puansilh la in; mikhual numei adia kichiam ahihleh mawhkhuhna ding in len in.

¹⁷Zuautheihna tanghou mihing ading in a khum a; himahleh a nung in a kam suanghum in a dim ding hi.

¹⁸Thiltup chiteng thuhoih gel a hihkip ahi; huan pina pil in nang kidouna na bawl.

¹⁹Kuapeuh tangthu gen a pai vialvial in thugukte a kitheisak hi: huaiziak in kuapeuh a mukte zapi a hong kithuahpih dah in.

²⁰Kuapeuh a pa hiam a nu hiam hamsiat, zan khomial penpen ah a khawnvak hekmial ahi ding hi.

²¹A tung a kinohtak a gou muhtheih ahi, a tawpna vualzawl ahi kei ding hi.

²²Gilou thuk ding, chi ken: TOUPA ngak in, aman a hon hondam ding hi.

²³Bukna chi tuamtuam TOUPA ading in kihhuai ahi: huan khaina diklou a hoih kei hi.

²⁴Mihing painate TOUPA a kipan ahi; huchi a hihchiang in bangchi’n mihing in a lampi a theisiam dia?

²⁵Mihing ading in, a siangthou, chih mawkmawk thang ahi, huan a nung a thukan ding a thuchiam.

²⁶Kumpipa pil in migiloute a haih a, a tung uah chilna kangtalai khe a paisak hi.

²⁷Mihing lungsim TOUPA khawnvak ahi, gilpi sunglam sungnung penpen avek a zong in.

²⁸Chitna leh thutak in kumpipa a hawi a; huan a mangtutphah chitna a letkip ahi.

²⁹Tangvalte thupina a hatna uh ahi: putekte kilawmna a samkang uh ahi.

³⁰Keh zou a satna in thil hoihlou a singsiang a: satna in gilpi sunggil lamte a zel hi.