Read Paite Chin PAUNAKTE 24 Bible Online

PAUNAKTE 24 - Paite Chin bible

PAUNAKTE 24

¹Migiloute siatna ding in enlah ken, a kiang ua om utsam ken:

²A lungtang un nuaisiahna a sin ua, a mukte un siatna thu a gen uhi.

³Pilna ziak in inn lam in a om a; theihsiamna in hihkip in a om:

⁴Huan theihna in dantante hihdim in a om, hauhna manpha leh nuamte tengteng in.

⁵Mi pil a hat: ahi, theihna neimi’n hatna a pungsak.

⁶Piina pil in na galdouna bawl ding na hi ngal a: huan thuhilhmi tampite ah bitna a om hi.

⁷Mihai ading in pilna a sang lua: kongpi ah a kam ka kei hi.

⁸Kuapeuh hoihlou hih ngaihtuah, mite’n siatna deihmi a chi ding uh.

⁹Mihai ngaihtuahna khelhna ahi: huan musitmi mite ading in kihhuai ahi.

¹⁰Vangsiat ni a na bah leh, na hatna a neu.

¹¹Sihna lam a puakmanga omte suaktasak in, huan thah a om dia mansate nangman suaktasak in.

¹²Ngai in, hiai ka theikei uh, na chih leh: lungtangte bukpa’n huai a ngaihtuah kei maw? Huan na kha kempa’n, huai a theikei maw? Huan michih kiang ah a thilhih bang in a pe kei ding maw?

¹³Ka tapa, khuaizu ne in, a hoih ngal a; huan chep a khum khuaikhak:

¹⁴Huchi in pilna na khalam ading ahi chih na thei ding: na muh leh, huchi in kipahman a om ding, huan na lametna satkhiak ahi kei ding hi.

¹⁵Aw giloupa, mi diktat omna dou ding in tang ken; a khawlna mun hihsiatsak ken:

¹⁶Mi diktat lah sagihvei a puk a, huan a thou nawn ngal a; himahleh migilou tuahsia zoh in a om ding hi.

¹⁷Na melma a puklai in nuamsa ken, zoh a a omlai in na lungtang kipak kei hen:

¹⁸TOUPA’N huai a mu kha in, amah a kipahpih kei in, huan amah a kipan a thangpaihna a heimang kha ding hi.

¹⁹Gilou hihte ziak in ki lungkhamsak dah in: giloute leng eng sam ken:

²⁰Migilou ading a kipahman omlou ding ahi ngal a: migilou khawnvak heklup in a om ding hi.

²¹Ka tapa, TOUPA leh kumpipa kihta in: huan a koimah mah leng thumanlou ken.

²²Amau apan a siatna lah thakhat a om guih ding ahi ngal a: huan amaute apan tuahsiatna kua ahia thei?

²³Hiaite leng mi pil thugente ahi. Vaihawmna a mite deihsaktuam neih a hoih kei.

²⁴Kuapeuh migilou kiang a, Na diktat hi, chi peuhmah; mite’n amah a hamsiat ding ua, namte’n amah a kih ding.

²⁵Himahleh amah salte ading in kipahna ahi ding, huan a tung uah vualzawlna hoih a hongtung ding hi.

²⁶Dawnna dik pia mukte mite’n a tawp ding uhi.

²⁷Pawlam ah na thilhih bawlkhol inla, lou sung ah nang ading in huai tuh mansa in bawl in; huan huai nung in na inn lam in.

²⁸A bul bei in na inveng siatna ding in theihpihmi hi ken; huan na mukte in khem ken.

²⁹Ka tung a a hih bang in amah tung ah leng ka hih ding, chi ken; mi a nasep bang in ka thuk ding.

³⁰Thadahmi lou kiang ah ka pai a, huan theihsiamna bei mi grephuan kiang ah;

³¹Ngai in, ling in a khannelh khin vek a, huai a a louma loulingnei in a khuhta a, huan huai a a suang bangte a chimkhinta hi.

³²Huchihlai in ka en a, hoihtak in ka ngaihtuah a: ka mu a, hilhna ka sangta hi.

³³Tomkha ihmut zeklai, neuchik lusuk, khut khep a neuchik ihmut zek.

³⁴Huchibang in suamhatmi bang in na gentheihna a hongpai ding a; huan mi kigalvan bang in na taksapna hongtung ding hi.