Read Paite Chin PAUNAKTE 9 Bible Online

PAUNAKTE 9 - Paite Chin bible

PAUNAKTE 9

¹Pilna in a inn a lamkhin a, a khuam sagihte a phut hi:

²A gante a gouta a: a uain leng a helta hi; a dohkan leng a bawlkhinta hi.

³A nungakte a sawlkhe ta a, khopi munsang penpente tung ah a kikou a,

⁴Mi mawl peuhmah, hiai lam ah hong kihei hen: theihsiamna neilou amah tungtang ahihleh, aman a kiang ah,

⁵Hong in, ka tanghou ne unla, ka helsa ka uain dawn un, a chi hi.

⁶Paikhia unla, nou mi mawlte, hing un; theihsiamna lampi ah pai un.

⁷Musitmi bawlhoih in amah ading in zumhuaina a mu: huan kuapeuh migilou sal in amah ading in minsiatna a mu.

⁸Musitmi sal dah in, nang a hon hawkha ding: mi pil sal in, huchi in nang a hon it ding.

⁹Mi pil kiang ah hilhna pe lechin, a pilzaw lai ding a: mi diktat sinsak in,

¹⁰TOUPA kihtak pilna bul ahi: Mi Siangthou theihna theihsiamna ahi.

¹¹Kei ziak in na nite lah hihtam ahi ding a, na damsung kumte lah hihpun ahi ding hi.

¹²Na pil leh, nangmah adia pil na hi. Huan mi na muhsit leh, nang kia’n na paw ding hi.

¹³Numei hai a aphuai; mimawl ahi a, bangmah a theikei.

¹⁴Huan a inn kongkhak ah a tu a, khopi munsangte a tutphah tung ah,

¹⁵A vialpaite sam ding, a lampite ua paizelte,

¹⁶Mi mawlte, hiailai ah hong kihei hen: huan amah theihsiamna neilou tungtang ahihleh, aman a kiang ah,

¹⁷Tuigukte a khum a, a guk a tanghou nek a nuam hi, a chi.

¹⁸Himahleh aman huai ah misite a om uh chih leh a mi sapte Sheol thuk ah a om uh chih a theikei hi.