Read Paite Chin EKLISIASTI 11 Bible Online

EKLISIASTI 11 - Paite Chin bible

EKLISIASTI 11

¹Tuite tung ah na tanghou pai in: ni tampi nung a mukhe ding na hi ngal a.

²Sagih kiang ah tantuan pia in, ahi, giat ngei kiang ah; leitung a bang gilou hongom ding ahia chih lah na thei ngal kei a.

³Meipite vuah a a dim leh, leitung ah a kihih awngthawl uh: huan simlam a sing a puk leh, hiam mallam ah, a pukna mun ah, huai ah a om ding hi.

⁴Huih ngeingaih mi in a tuh kei ding a; meipi limsakmi in a at kei ding hi.

⁵Huih lampi hiam, amah nau toh omna gil sung a guhte bang hong chi khan uh ahia chih na theihlouh bang in; bangteng hihpa Pathian thilhih na theikei hi.

⁶Zingsang in na chi tuh inla, nitakin na khut ton maimah ken: koipen hong lohching ding ahia, hiai hia huai hia, ahihkeileh hong hoih tuaktuak ding uhia chih lah na thei ngal kei a.

⁷Diktakin khovak a nuam a, mitte adia ni muh thil nuam tak ahi.

⁸Ahi, mi kum tampi a dam a leh, huaite tengteng ah kipak hen; himahleh khomial hunte theigige hen, tampi pha ding uh lah ahi ngal a. A hongom tengteng bangmahlou ahi.

⁹Aw tangval, na tuailai in kipak in: na tuailai nite ah na lungtang in hon kipaksak hen, na lungtang lampite ah leh, na mitte muh in om in: himahleh hiai thilte tengteng ziak in Pathian in nang vaihawmna a honpi ding ahi chih thei in.

¹⁰Huaiziak in na lungtang a kipan lungkhamna suankhia inla, na sa a kipan gilou koihmang in: tuailaina leh khan lutlai lah bangmahlou ahi ngal a.