Read Paite Chin EKLISIASTI 6 Bible Online

EKLISIASTI 6 - Paite Chin bible

EKLISIASTI 6

¹Ni nuai a ka muh gilou a om a, mite tung ah a gik hi:

²Mi Pathian in hauhsakna leh neihzohna leh, zahna a piak a, huchi a a deihpeuh a kha adia bangmah taksap nei hetlou a, a hihhang a huai a ne ding a Pathian in thilhihtheihna a piak louh a, mikhual in a nek zawkna: hiai bangmahlou ahi a, gilou natna ahi.

³Mihing in ta za khat suang henla, kum tampi dam in a kumte nite tampi pha leh, a kha lah hoih in dim kei ngal in, kivuina neikei ngal leh; amah ading in a hun lou a pian a hoihzaw ka chi ahi:

⁴Bangmahlou lah a honghi a, khomial ah a paimang a, huai a min khomial in a khuh hi;

⁵Huailou in ni a mu kei a theih leng a theikei; hiai in a dang sang in a khawlna a nei a:

⁶Ahi, kum sang khat gentuan dam mahleh, hoih nuam a sak pih tuankei: bang teng mun khat ah a pai kei umaw?

⁷Mihing sepgimna tengteng a kam a ding ahi a, himahleh a gilkialna a dim tuankei.

⁸Mihai sang in mi pil in bang phattuamna a nei a leh? Ahihkeileh, mihing ma a omdan thei, mi genthei in bang a nei a?

⁹Lunggulhna tam vak sang in mitte muh a hoihzaw hi: hiai leng bangmahlou leh huih nungdelh ahi.

¹⁰A na omkhinsa bangpeuh, sawtpi a huai a min piaksa ahi, huan mihing ahi chih theih ahi: amah sang a hatzaw amah toh leng a kisual theikei ding hi.

¹¹Thil tampi bangmahlou pungsak a om ding chih thei in, mihing bang a hoih tuan a?

¹²A damsung bangmahlou limliap bang a a sukbei tengteng, a damsung in mihing ading a hoih kuan a thei a leh? Ni nuai ah amah nung in bang a om dia chih kuan mihing a hilh thei a ahia?