Read Paite Chin SOLOMON LATE 3 Bible Online

SOLOMON LATE 3 - Paite Chin bible

SOLOMON LATE 3

¹Zan a ka lupna tung a ka ihmut in, ka mang in ka it ka mu hi: Amah ka zong zong a, himahleh amah ka mu kei.

²Ka thou dia, khopi kim ah ka pai dia, kongzing leh lampi ah, amah ka kha in a it ka zong ding, ka chi a ka zong hi, himahleh amah ka mu kei hi.

³Khopi a vialpai vengmite’n a honmu ua: a kiang uah, Amah ka kha in a it na mu uhia? ka chi a.

⁴Amaute ka paisan sawtlou chik ahi, huan amah ka kha in a it ka mu hi: ka paisak kei, ka nu inn sung, honpai nu dantan sung a amah ka pilut masiah.

⁵Zuktal leh gam a zukpite in k’on ngen hi, Aw Jerusalem tanute aw, ka it hihbuai kei unla, phawng kei un, a lungkim matan.

⁶Gamdai a kipan a meikhu kitung bang a hongpai murra leh begaw kinuh a, sumsinmi nuhngou vui kinuh hiai kua ahia?

⁷Ngai in, Solomon lupna ahi; a kim ah mi hat sawmguk, Israel mi hatte a kipan a om uh.

⁸Namsau a tawichiat ua, kidouna a kivate ahi uhi: Michih in a pheipi tung ah namsau a tawichiat ua, zan a launa ziak in.

⁹Kumpipa Solomon in Lebanon sing in kangtalai a kibawl hi.

¹⁰Huai a khuamte dangka in a bawl a, a nuai dangkaeng, a tutphah a sandup, a laizang, Jerusalem tanute a kipan a itna in phah ahi.

¹¹Aw nou Zion tanute, pawtkhia unla, kumpipa Solomon en un, a zineih ni leh a lungtang kipahna ni a, a nun amah lallukhu a khuksak toh.