Read Paite Chin SOLOMON LATE 6 Bible Online

SOLOMON LATE 6 - Paite Chin bible

SOLOMON LATE 6

¹Na ngaihnou koilam a pai ahia, Aw nang numeite lak a kilawm penpen? Amah na ngaihnou koilam a kiheita ahia, amah k’on zon pih theihna ding un?

²Ka ngaihnou a huan ah a hohsuk a, gimnamtui mun ah, huansung a vak in, lili pak lakhawm ding in.

³Ka ngaihnou a ka hi a, ka ngaihnou kei a ahi: lili lak ah a gan a vak hi.

⁴Na kilawm hi, Aw ka it, Tirzah bang a kilawm, Jerusalem bang a deihhuai, na lauhuaina sepaih pawl puanlapte bang in ahi.

⁵Na mitte kei kipan la kik in, amau lah a honzouta ua. Na sam Gilead pang a kual kelhon bang ahi.

⁶Na hate belamnu hon bang ahi ua, sil khitphet a hongpaitoute; huai ah amaute chiat in phik a nei ua, a lak uah kuamah a ching a omkei uh.

⁷Na mit laivomte theibuhfai them na maituamna liah a om bang ahi .

⁸Kumpinu sawmguk a om ua, mei sawmgiat, huan nungak siangthou simsenglouh.

⁹Ka vahui, ka ninbanglou, khat kia ahi; a nu lak a amah kia ahi; amah suang lak a a hoihpen ahi. Tanute’n amah a mu ua, nuamsa a chi uhi, ahi, kumpinute leh a meite’n amah a phat uhi.

¹⁰Zingsang bang a dakkhia amah kua ahia? khapi bang a kilawm, ni bang a siang, sepaihhon puanlap bang a lauhuai?

¹¹Makhatang huan ah ka paisuak a, guam a singsuan hingte en ding in, grep a pakmum hiam chih leh theibuhfai a pakpalhta hiam chih en ding in.

¹²Ahihkeileh ka theihkhiak ma in ka kha in ka lunglutna ka mipite kangtalai lak ah a hon koihta hi.

¹³Hongkik in, hongkik in, Aw Shulammi; k’on et theihna ding un hongkik in, khongkik in, Bangdia Mahanaim mite lamen bang a Shulam mi en ding na hi ua?