Read Paite Chin SOLOMON LATE 7 Bible Online

SOLOMON LATE 7 - Paite Chin bible

SOLOMON LATE 7

¹Khedap tungneilou ah na khepekte kilawm hina mahmah e, Aw kumpi tanu: na phei guhtuah suangmantam bang ahi ua, nasem mi pil khut nasep bang.

²Na lai nou bem bang ahi, huai ah uain hel a kitasam ngeikei a: na gilpi huitbuh hum lili pak siat dim a bang hi.

³Na nawi zuktal nou nih phik a bang uhi.

⁴Na ngawng saiha insang a bang; na mitte Barthrabbim kongpi a, Heshbon a om tuilite a bang uh; na nak Lebanon a insang a bang a Damaska lam muhsukna om.

⁵Na tung a na lutang karmel a bang a, na lu a sam sandup a bang; huai sampha lak ah kumpipa sal a mat in a om hi.

⁶Aw it, kipahna ding in nak kilawm in nak nop hina mahmah chia!

⁷Na sandan tumsing bang ahi a, na nawite grep gahbomte bang.

⁸tumsing ah ka kaltou ding a, huai a hiangte ka len ding, ka chi a: na nawi grepgui gahbom bang hi henla, huan na nawi gim apple bang;

⁹Na kam uain hoihpen pen bang hi, Ka ngaihnou adia nemtak a paisuk, ihmute muk a tolh paisuak.

¹⁰Ka ngaihnou a ka hi a, a deihlam kei lam ah a om.

¹¹Hong in, ka ngaihnou, gam ah i paikhe ding a; khoneute ah i giak ding.

¹²Grephuan lam ah zingkhang in i thou ding a; Grepgui a pakmumta hia, a pak palh a kihongta hia i va en ding, huan theibuhfai a pak kheta hia: huai ah ka itna k’on pe ding hi.

¹³Jawlzongpak in gimnamtui a suaksak a, ka kongkhak uah thei manpha chi kim, a thak leh a lui a om, nang ading in ka na kholkhawm, aw ngaihnou.